Hampiðjan og Hjörtur Erlendsson, forstjóri félagsins, hlutu viðskiptaverðlaun Viðskiptablaðsins og Frjálsrar verslunar árið 2022.
Hampiðjan og Hjörtur Erlendsson, forstjóri félagsins, hlutu viðskiptaverðlaun Viðskiptablaðsins og Frjálsrar verslunar árið 2022.
Efnt var til fagnaðar í Gyllta salnum á Hótel Borg á dögunum þar sem Bjarni Benediktsson fjármála- og efnahagsráðherra sá um að afhenda Hirti viðskiptaverðlaunin. Á sama tíma var útgáfu Áramóta, veglegs tímarits Viðskiptablaðsins og Frjálsrar verslunar, fagnað. Í blaðinu má meðal annars finna ítarlegt viðtal við Hjört, en hann hefur starfað hjá Hampiðjunni í frá árinu 1985 og verið forstjóri frá 2014.
Mikið fjölmenni safnaðist saman á Hótel Borg til að samgleðjast Hirti og Hampiðjunni og fagna útgáfu blaðsins.
Pawel Bartoszek, varaborgarfulltrúi Viðreisnar, ásamt Þórdísi Kolbrúnu Reykfjörð Gylfadóttur utanríkisráðherra.
Hjörtur Erlendsson með þá Kristján Loftsson og son sinn Erlend Magnús Hjartarson sér á hægri hönd. Kristján situr í stjórn Hampiðjunnar og er félag hans, Hvalur, lang stærsti hluthafi félagsins með rúmlega 45% hlut.
Vinkonurnar Margrét Júlíana Sigurðardóttir, framkvæmdastjóri og einn stofnenda Moobix, Edda Hermannsdóttir, markaðs- og samskiptastjóri Íslandsbanka, og Andrea Sigurðardóttir, verkefnastjóri á samskiptasviði Marels og formaður Hvatar, létu sig ekki vanta.
Þór Sigurgeirsson, bæjarstjóri Seltjarnarnessbæjar, Erlendur Magnússon, stjórnarformaður Total Capital Partners LLP, og Óttar Guðjónsson, framkvæmdastjóri Lánasjóðs sveitarfélaga, voru kampakátir á viðskiptaverðlaununum.
Kristján Loftsson, stjórnarmaður Hampiðjunnar, Stefán Einar Stefánsson, dagskrárgerðarmaður á Morgunblaðinu, og Óli Kr. Ármannsson, ráðgjafi hjá Kom, ræddu heima og geima.
