Yfir 3,7 milljarða króna velta var með bréf Alvotech í Kauphöllinni í dag og hækkaði gengi félagsins um 1,65% í viðskiptum dagsins.
Dagslokagengið var 1.230 krónur en gengið opnaði í 1.210 krónum.
Um er að ræða meira en helming allrar veltu í Kauphöllinni í dag en heildarvelta var sex milljarðar.
Alvotech fór nýverið inn í úrvalsvísitöluna OMXI 10 en vísitalan mjakaðist upp í viðskiptum dagsins og hækkaði hún um 0,61%.
Gengi Marels hækkaði um 2,73% í Kauphöllinni í dag í 407 milljón króna viðskiptum. Dagslokagengi félagsins var 452 krónur en gengið opnaði í 440 krónum.
Í morgun leit út fyrir að gengi Icelandair væri að taka við sér en gengið endaði á að lækka um 0,64%.
Engin viðsnúningur hjá Icelandair
Gengi Icelandair hækkaði um 5% fyrir hádegi í dag eftir gengishrun í næstum tveggja milljarða króna veltu í gær er markaðsvirði flugfélagsins fór niður um rúma fjóra milljarða.
Viðsnúningur félagsins varð þó að engu fyrir lok dag ser Icelandair endaði daginn á að lækka um 0,64% í um 343 milljón króna velta. Dagslokagengið 1,55 krónur.
Play lækkaði um 1,13% á First North markaðnum í tveggja milljón króna veltu. Gengið hefur aldrei verið lægra og heldur áfram að lækka en dagslokagengið var 8,75 krónur.
Önnur félög sem lækkuðu á markaði voru Kvika um 2,15% í 125 milljón króna veltu, Skel fjárfestingafélag í 104 milljón króna veltu og Hagar um 0,76% í 132 milljón króna veltu.
