Hluta­bréfa­verð ISI lækkað um 14%

Hluta­bréfa­verð Iceland Sea­food International hefur lækkað um 14% það sem af er ári eftir um tæpa 3% lækkun í við­skiptum dagsins. Dagsloka­gengi fé­lagsins var 4,9 krónur

Við­snúningur hefur verið á rekstri fé­lagsins sem tapaði 3 milljörðum á fyrstu níu mánuðum ársins í fyrra en í lok septem­ber lét Bjarni Ár­manns­son af störfum sem for­stjóri ISI og seldi jafn­framt 10,8% hlut sinn í fé­laginu til Brims á genginu 5,3 krónur.

Hluta­bréfa­verð Iceland Sea­food International hefur lækkað um 14% það sem af er ári eftir um tæpa 3% lækkun í við­skiptum dagsins. Dagsloka­gengi fé­lagsins var 4,9 krónur

Við­snúningur hefur verið á rekstri fé­lagsins sem tapaði 3 milljörðum á fyrstu níu mánuðum ársins í fyrra en í lok septem­ber lét Bjarni Ár­manns­son af störfum sem for­stjóri ISI og seldi jafn­framt 10,8% hlut sinn í fé­laginu til Brims á genginu 5,3 krónur.

Þrátt fyrir tapið á fyrstu níu mánuðum ársins tókst ISI að skila hagnaði upp á 403 þúsund evrur, eða um 60 milljónir króna, á fjórða árs­fjórðungi. Var það í fyrsta sinn frá þriðja árs­fjórðungi 2022 sem fé­lagið skilar hagnaði eftir skatta.

Hluta­bréfa­verð fé­lagsins tók við sér eftir árs­upp­gjör og hækkaði um 19% á tveimur við­skipta­dögum í lok febrúar.

ISI skilaði hagnaði aftur á fyrsta fjórðungi ársins eftir um 2,2 milljóna evra tap á sama tíma­bili í fyrra. Hagnaður fyrir skatta og fjár­magns­liði var 1,9 milljónir evra eða um 285 milljónir króna á þá­verandi gengi.

Ægir Páll Frið­berts­son, sem tók við for­stjóra­stöðunni af Bjarna, keypti hluti í fé­laginu fyrir 5 milljónir króna 29. febrúar og stóð gengi fé­lagsins í 6,3 krónum þann 1. mars.

Síðan þá hefur hluta­bréfa­verð ISI verið á nær stöðugri niður­leið og hefur gengið lækkað um 22%.

Hluta­bréfa­verð Símans leiddi hækkanir í við­skiptum dagsins er gengi fjar­skipta­fé­lagsins fór upp um rúm 2% í 43 milljón króna veltu.

Gengi Síldar­vinnslunnar og Brims hækkaði einnig í við­skiptum dagsins en skráðu út­gerðar­fé­lögin hafa verið á á­gætis skriði í sumar þrátt fyrir lægð í Kaup­höllinni. Hluta­bréfa­verð Síldar­vinnslunnar fór upp um tæpt 1% og Brims um tæp 2%.

Afar lítil velta var í Kaup­höllinni í dag sem nam 1,4 milljörðum og fór úr­vals­vísi­talan niður um 0,74%.