Yfirlýsing aðila úr atvinnulífi á Akureyri hefur borist þar sem nokkur af stærstu fyrirtækjum Norðurlands mótmæla sameiningu MA og VMA. Meðal þeirra eru Samherji, Kjarnafæði, Slippurinn og Veitingahúsið Greifinn.
Í tilkynningu segir að Menntaskólinn á Akureyri og Verkamenntaskólinn á Akureyri njóti báðir viðurkenningar og virðingar nemenda og bæjarbúa. Þeir svari um margt ólíkum en mikilvægum kröfum nemenda, samfélags og atvinnulífs á Akureyri og segjast ekki skilja áform mennta- og barnamálaráðherra um að rjúfa þá sátt með sameiningu skólanna.
„Telji ráðherrann að samlegðaráhrif fjárhagsleg og fagleg myndu nást með sameiningunni hefði verið eðlilegra að byrja á að láta reyna á þá samlegð með auknu samstarfi skólanna og með skýrum markmiðum sem tækju mið af þeim áskorunum framtíðar sem ráðherra telur sig greina,“ segir jafnframt í tilkynningu.
Þau fyrirtæki sem mótmæla þessum áformum og óska eftir fundi með ráðherra eru eftirfarandi:
Ak-inn
Bautinn Akureyri
Ferro Zink
Finnur verktaki og vélaleiga
Húsheild/Hyrna
Höldur - Bílaleiga Akureyrar
Íslensk Verðbréf
Kaldbakur
Kjarnafæði Norðlenska
Kælismiðjan Frost
Leirunesti
Malbikun Norðurlands
N Hansen
Norlandair
Rafeyri
Raftákn
Rub23
Samherji
Sigurgeir Svavarsson verktaki
Skógarböðin
Slippurinn Akureyri
SS Byggir
T-Plús
Vélfag
Veitingahúsið Greifinn
