Úr­vals­vísi­talan hækkaði fjórða við­skipta­daginn í röð og var loka­gildi hennar 2.387,52 sem mun vera hæsta loka­gildi OMXI15 frá því í mars­mánuði.

Hluta­bréfa­verð flug­fé­laganna leiddi hækkanir á aðal­markaði í dag er gengi Icelandair fór upp um tæp 9% í 702 milljón króna við­skiptum á meðan gengi Play fór upp um rúm 7% í ör­við­skiptum sem námu 5 milljónum króna.

Gengi Icelandair stóð í 0,864 krónum á fyrsta við­skipta­degi mánaðarins og hefur það því hækkað um tæp 30% það sem af er septem­ber­mánuði.

Úr­vals­vísi­talan hækkaði fjórða við­skipta­daginn í röð og var loka­gildi hennar 2.387,52 sem mun vera hæsta loka­gildi OMXI15 frá því í mars­mánuði.

Hluta­bréfa­verð flug­fé­laganna leiddi hækkanir á aðal­markaði í dag er gengi Icelandair fór upp um tæp 9% í 702 milljón króna við­skiptum á meðan gengi Play fór upp um rúm 7% í ör­við­skiptum sem námu 5 milljónum króna.

Gengi Icelandair stóð í 0,864 krónum á fyrsta við­skipta­degi mánaðarins og hefur það því hækkað um tæp 30% það sem af er septem­ber­mánuði.

For­síðu­frétt Financial Times í morgun hefur að öllum líkindum haft á­hrif á gengis­hækkanir flug­fé­laganna í dag en breski við­skipta­miðillinn greindi frá því í morgun að Sádi Arabía væri að láta af á­formum sínum um að þrýsta verðinu á tunnu af Brent hrá­olíu upp í 100 dali.

Sádi Arabía, í sam­floti með OPEC+ olíu­ríkjunum, hefur verið að skerða olíu­fram­leiðslu á árinu í von um að þrýsta verðinu upp. Það tókst um tíma og stóð tunnan af Brent-hrá­olíu í um 90 dölum í apríl á þessu ári.

Heims­markaðs­verð á tunnunni af Brent-hrá­olíu stendur í rúmum 71 Banda­ríkja­dal í dag eftir um 17% lækkun síðustu sex mánuði. Sam­kvæmt FT mun konung­ríkið auka fram­leiðsluna 1. desember en Brent-hrá­olía er meðal annars notuð í flug­véla­elds­neyti.

Hluta­bréfa­verð málm­leitar­fé­lagsins Amaroq hækkaði einnig veru­lega í dag er gengið fór upp um tæp 7%. Um 350 milljón króna velta var með gengi fé­lagsins.

Gengi Amaroq byrjaði mánuðinn á vænri dýfu og fór gengið niður í 100 krónur þann 12. septem­ber. Hluta­bréf málm­leitar­fé­lagsins hafa verið á stöðugri upp­leið síðan þá og var dagsloka­gengið 124,5 krónur. Gengi hefur því hækkað um 24,5% á rúmum tveimur vikum.

Gengi Skaga leiddi lækkanir á aðal­markaði í dag og fór niður um tæp 2% í rúm­lega 100 milljón króna veltu.

OMXI15 hækkaði um 0,97% í dag og var heildar­velta á markaði 5,3 milljarðar.