Íslenski hlutabréfamarkaðurinn tók við sér undir lok síðasta árs en hélt ágætu skriði fram að febrúar. Á síðustu mánuðum hefur lægð verið yfir markaðinum en úrvalsvísitalan OMXI15 hefur til að mynda lækkað um tæp 12% síðasta hálfa árið.
Útgerðarfélögin á markaði, Brim, Síldarvinnslan og Ísfélagið, hafa þó verið á ágætis skriði yfir hásumarið.
Hlutabréfaverð Síldarvinnslunnar hefur hækkað um rúm 11% frá byrjun júní. Gengi Ísfélagsins hefur hækkað um 7% á meðan gengi Brims hefur farið upp um rúm 6%.
Íslenski hlutabréfamarkaðurinn tók við sér undir lok síðasta árs en hélt ágætu skriði fram að febrúar. Á síðustu mánuðum hefur lægð verið yfir markaðinum en úrvalsvísitalan OMXI15 hefur til að mynda lækkað um tæp 12% síðasta hálfa árið.
Útgerðarfélögin á markaði, Brim, Síldarvinnslan og Ísfélagið, hafa þó verið á ágætis skriði yfir hásumarið.
Hlutabréfaverð Síldarvinnslunnar hefur hækkað um rúm 11% frá byrjun júní. Gengi Ísfélagsins hefur hækkað um 7% á meðan gengi Brims hefur farið upp um rúm 6%.
Ísfélagið hefur nú hækkað fjóra viðskiptadaga í röð en Brim leiddi hækkanir í Kauphöllinni ásamt Arion banka í dag er gengi útgerðarfélagsins fór upp um rúm 2%.
Hlutabréfaverð Marels hreyfðist lítið í um 355 milljón króna viðskiptum en hluthafar bandaríska matvælaframleiðandans John Bean Technologies Corporation (JBT) samþykktu á hluthafafundi í gær að gefa út nýtt hlutafé vegna yfirtökutilboðs félagsins í allt hlutafé Marels.
Dagslokagengi Marels var 495 krónur.
Úrvalvísitalan hækkaði um 0,55% í viðskiptum dagsins og var heildarvelta á markaði 2,2 milljarðar.
