Hannes Steindórsson, fasteignasali hjá Lind, er launahæstur á lista yfir fasteignasala. Launatekjur hans á síðasta ári námu um 1,9 milljónum króna á mánuði. Þetta er meðal þess sem finna má í tekjublaði Frjálsrar verslunar sem komið er í verslanir, en blaðið hefur að geyma upplýsingar um tekjur um 4.000 Íslendinga.

Fjárfestingarfélagið IREF keypti 40% hlut Hannesar í fasteignasölunni í júní síðastliðnum. Hannes greindi frá því í samtali við Viðskiptablaðið að hann myndi áfram starfa hjá Lind.

Í öðru sæti yfir launahæstu fasteignasalanna er Helgi Jón Harðarsson, sölustjóri Hraunhamars, en hann var einnig með um 1,9 milljónir í laun á mánuði á síðasta ári. Í þriðja sæti er svo Einar Páll Kjærnested, fasteignasali hjá Fasteignasölu Mosfellsbæjar, með 1,7 milljónir króna á mánuði.

Allir voru þeir á listanum yfir tíu launahæstu fasteignasalanna árið 2021 en þrír nýir koma inn á listann í ár; Þórey Ólafsdóttir, Eiríkur Svanur Sigfússon og Freyja Margrét Sigurðardóttir.

Tíu tekjuhæstu fasteignasalarnir:

1. Hannes Steindórsson, fasteignasali, Lind - 1.9 milljónir
2. Helgi Jón Harðarson, sölustjóri Hraunhamars - 1.9 milljónir
3. Einar Páll Kjærnested, fasteignasali, Fasteignas. Mosfellsb. - 1.7 milljónir
4. Daði Hafþórsson, fasteignasali, Eignamiðlun - 1.6 milljónir
5. Þórarinn Arnar Sævarsson, fasteignasali, RE/MAX - 1.5 milljónir
6. Arnar Birgisson, framkvæmdastjóri, Eignaver - 1.4 milljónir
7. Þórey Ólafsdóttir, fasteignasali, Landmark - 1.4 milljónir
8. Jason Guðmundsson, fasteignasali, Miklaborg - 1.4 milljónir
9. Eiríkur Svanur Sigfússon, fasteignasali, Ás - 1.4 milljónir
10. Freyja Margrét Sigurðardóttir, fasteignasali, Hraunhamar - 1.3 milljónir

Tekjublað Frjálsrar verslunar er komið út. Finna má blaðið á helstu sölustöðum en einnig má panta eintak hér.