Skiptum er lokið í þrotabúi Hraðpeninga ehf., en félagið var smálánafyrirtæki og eitt af dótturfélögum fyrirtækisins Neytendalán. Neytendalán átti einnig smálánafyrirtækin 1909 og Múla. Skiptum lauk með því að allar lýstar kröfur voru afturkallaðar, en þær námu 123.147.092 krónum.
Eins og Viðskiptablaðið sagði frá á sínum tíma þá voru Hraðpeningar úrskurðaðir í gjaldþrot í lok nóvember ársins 2016 í kjölfar þess að Neytendastofa hafði sett 250 þúsund króna dagsektir á félagið.
Ástæðan var sú að fyrirtækin þóttu krefja neytendur um kostnað umfram lögbundið hámark. Snýst málið um útreikning á árlegri hlutfallstölu kostnaðar en Neytendastofa segir að félagið hafi ekki farið að ákvæði laga og banni stofnunarinnar.
Fleiri fréttir um Hraðpeninga:
- 9. desember 2017 - Smálánafyrirtækin segjast nú vera dönsk
- 30. nóvember 2016 - Hraðpeningar gjaldþrota
- 16. febrúar 2016 - Neytendalánum gert að greiða dagsektir
- 20. nóvember 2015 - 1909, Múla og Hraðpeningar þurfa að greiða dagsektir
- 28. ágúst 2015 - Segir Skorra hafa sölsað undir sig hlutaféð án heimildar
- 4. maí 2013 - Eignarhald Hraðpeninga á Kýpur
- 5. ágúst 2012 - Ný 150.000 króna smálán
- 6. maí 2012 - Hraðpeningar græddu fjórtán milljónir