Pólska fjarskiptafélagið Play, sem fjárfestingafélag Björgólfs Thor á um 20% hlut í, hefur tilkynnt um mögulega sölu á fjarskiptaeignasafni sínu. Salan gæti numið allt að 800 milljónum evrum, andvirði um 128 milljarða króna. Þetta er haft eftir heimildarmönnum Bloomberg.
Um er að ræða 8.000 staðsetningar á fjarskiptatækjum Play sem eru til sölu, þar af eru 4.000 svo nefndir fjarskiptaturnar. Salan er sögð vera liður í stefnu félagsins að koma innviðum þess í verð og er í vinnslu. Björgólfur tísti um málið í gær.
Eftirspurn eftir innviðum sem teljast þráðlausi, líkt og fjarskiptaturnum, hefur aukist sökum langtíma stöðugleika eignanna. „Fjármunirnir sem myndu koma í kjölfarið á sölunni gætu nýst Play mjög vel. Hvort sem félagið ákveður að styrkja fjárhagsstöðu sína eða auka fjárfestingar sínar í 5G uppbyggingu,“ er haft eftir markaðsaðila sem Bloomberg ræddi við.
Talið er að formlegar úrvinnsla á sölunni geti hafist árið 2021 en fulltrúi Play neitaði að tjá sig um málið.
Novator, fjárfestingafélag Björgólfs, seldi um 5% hlut í Play í Póllandi í vor fyrir ríflega 13 milljarða króna. Jafnframt seldi Novator í Play fyrir um 12 milljarða króna í september og á nú 20,1% í félaginu sem er metinn á um 60 milljarða króna. Play var skráð á hlutabréfamarkað árið 2017.
Poland’s no.1 mobile network operator @Play_Polska is seeking out the possibility of creating a dedicated tower company to host existing and future passive network infrastructure: https://t.co/EP6gXMAKqK
— Thor Bjorgolfsson (@Alpha_Rider) August 4, 2020