Samkvæmt drögum að uppgjöri ársins 2021 mun sala samstæðu Hampiðjunnar á tímabilinu aukast um 6,7% á milli ára og nema um 172,7 milljónum evra samanborið við 161,8 milljónum evra árið áður. Þetta kemur fram í tilkynningu félagsins til kauphallarinnar.
EBITDA félagsins eykst á milli ára um 9% og nemur rétt tæpum 30 milljónum evra samanborið við 27,5 milljónir evra árið áður. Hagnaður félagsins eykst einnig á milli ára og nemur 16,9 milljónum evra samanborið við 15,1 milljónir evra á árinu 2020. Það er 11,5% hækkun á milli ára.
Uppgjör félagsins fyrir árið 2021 er enn í vinnslu og gætu upplýsingarnar því tekið breytingum þar til uppgjörið verður birt þann 10. mars næstkomandi, að því er kemur fram í tilkynningunni.
