Kári Stefánsson, forstjóri Íslenskrar erfðagreiningar, segir að ÍE mun hætta öllum samskiptum við sóttvarnalækni og landlækni út af COVID-19 frá og með deginum í dag. Fréttablaðið greinir frá en Kári tjáði sig um málið á Vísi.is fyrr í dag.
Félagið mun afgreiða öll þau sýni sem berast til þeirra á mánudag í næstu viku, eftir það munu þau hætta allri skimun. Kári sagði ÍE reiðubúið að skima skyldi ríkisstjórnin setja á laggirnar Farsóttastofnun Íslands.
„Við erum búin leggja okkar að mörkum og kominn tími til þess að við förum að sinna dagvinnu okkar og engu öðru. Frá og með deginum í dag 6. júlí munum við hætta öllum samskiptum við sóttvarnarlækni og landlækni út af SARS-CoV-2. Síðustu sýnin sem við munum afgreiða eru þau sem berast til okkar á mánudaginn 13. júlí,“ skrifar Kári. Fram kemur í bréfi Kára til ríkisstjórnarinnar að það þurfi að búa til nýtt afl innan íslensks heilbrigðiskerfis, Faraldsfræðistofnun Íslands.
Segir hann að ef svo verði ekki gert lendi þjóðin í miklum vanda og að ÍE fari fram á að ríkisstjórnin gefi út yfirlýsingu á næstu dögum. Ef það verði ekki gert neyðist ÍE til að hætta allri aðkomu að skimum. Hins vegar ef ríkisstjórnin búi til Farsóttastofnun Íslands sé félagið „reiðubúið til þess að aðstoða eftir megni“. Ríkisstjórnin fékk þrjá daga til að svara Kára.
Katrín segir ríkisstjórnina ætla skoða málið
Katrín Jakobsdóttir, forsætisráðherra, svaraði Kára þann 4. júlí, en þar segir hún að tillaga Kára verður tekin til skoðunar. Sérstök stofnun verður sett á fót til að vinna úr tillögunni.
„Því hefur verið ákveðið að ráða verkefnastjóra undir yfirstjórn sóttvarnalæknis. Hann fær það verkefni að greina hvernig megi efla innviði heilbrigðiskerfisins til að takast á við faraldra framtíðarinnar, með hliðsjón af tillögu þinni og þeirri reynslu sem við höfum öðlast í glímunni við covid-19. Jafnframt mun hann aðstoða sóttvarnalækni við að ná sem bestum tökum á yfirstandandi faraldri í nánu samstarfi við þig og fyrirtæki þitt,“ skrifar Katrín.
Kári svara Katrínu á þann veg að nokkuð ljóst sé að málið sé ekki eins brátt á henni og ÍE. Enn fremur segir hann framkomu forsætisráðherrans gagnvart ÍE hafi markast af virðingarleysi. Að lokum segir hann þátttöku ÍE lokið.