Lífeyrissjóður verslunarmanna mun lækka fasta vexti verðtryggðra sjóðfélagalána frá og með föstudeginum 24. maí 2019 úr 3,60% í 3,40%.
Breytilegir vextir verðtryggðra sjóðfélagalána, sem eru nú 2,06% verða 2,26% frá og með fimmtudeginum 1. ágúst 2019. Frá þessu er greint á heimasíðu sjóðsins.
Undanfarin ár hafa breytilegir vextir verðtryggðra lána tekið sjálfkrafa breytingum í samræmi við breytingu á ávöxtunarkröfu skuldabréfaflokksins HFF150434.
Viðskipti með þennan skuldabréfaflokk hafa farið verulega minnkandi undanfarin misseri og er hann því ekki eins virkt viðmið fyrir vexti og áður.
Stjórn sjóðsins samþykkti því breytingar á lánareglum þannig að í stað viðmiðs við nefndan skuldabréfaflokk verða breytilegir verðtryggðir vextir sjóðfélagalána ákvarðaðir af stjórn.
