Héraðsdómur Reykjavíkur hafnaði í vikunni málsástæðum Arev verðbréfafyrirtækis hf., Jóns Scheving Thorsteinssonar og Sjóvá um að meint 532 milljón króna bótakrafa Arev NII slhf., sem er í eigu lífeyrissjóða, væri fyrnd.
Arev NII telur að maðkur hafi verið í mysunni við ráðgjöf Arev og Jóns við kaup á bresku fataversluninni Duchamp. Málinu var stefnt inn í desember 2019 og töldu stefndu að krafan hefði fyrnst, þar sem Arev NII hefði mátt vita af meintu tjóni haustið 2015.
- Sjá meira: Krafa sjóðanna fyrnd?
Því hafnaði dómurinn og taldi að vitneskja um mögulegt tjón hefði ekki legið fyrir fyrr en á fyrri hluta árs 2016. Því væri möguleg krafa ekki fyrnd. Sakarefni málsins hafði verið skipt og þýðir niðurstaðan nú, verði niðurstaðan ekki önnur á æðri dómstigum, að fjallað verður um aðrar málsástæður í nýrri aðalmeðferð. Tímasetning hennar liggur ekki fyrir.