Áslaug Friðriksdóttir borgarfulltrúi Sjálfstæðisflokksins segist hafa óskað eftir því að skipa 2. sæti lista flokksins fyrir komandi borgarstjórnarkosningar. Segir hún það sér vonbrigði að eiga ekki sæti á listanum, en nú er ljóst að svo er ekki.
Sama á við um aðra sem lutu lægra haldi í leiðtogaprófkjöri flokksins, en Kjartan Magnússon borgarfulltrúi hlaut heldur ekki náð fyrir augum uppstillingarnefndar um áframhaldandi setu. Þau lentu í öðru og þriðja sæti í leiðtogaprófkjöri flokksins sem nú var haldið með því fyrirkomulagi í fyrsta sinn.
Segist hafa heyrt að konur á lista séu skoðanasystur sínar
„Góður stuðningur í hefðbundnum prófkjörum hefur litla þýðingu, þegar leikreglum er breytt og uppstillingarvaldið sett í fárra hendur,“ segir Áslaug í pistli á Facebook síðu sinni, sem segist þó lítast vel á konurnar á nýjum framboðslista flokksins sem kynntur var í gær.
Segist hún jafnframt hafa heyrt að konurnar sem skipa 5 af 10 efstu sætunum, þar af 4 af efstu 6, séu skoðanasystur sínar í mörgum málum. „Vonandi munu þær fylgja skoðunum sínum eftir og kanna öll mál með opnum huga. Flokkurinn þarf ekki á því að halda að allir séu steyptir í sama mót.“
Ekki kemur fram hvaða mál hún er að vísa í, en Áslaug hefur verið gagnrýnd fyrir að hafa tekið afstöðu með borgarstjórnarmeirihluta Samfylkingar, VG, Pírata og Bjartri framtíð í skipulagsmálum og þéttingarstefnu borgarinnar.
Eyþór þakkar henni fyrir óeigingjart starf
Eyþór Arnalds oddviti flokksins í borginni póstar við yfirlýsingu Áslaugar og segir hana vel orðaða or rétta. „Takk fyrir allt þitt óeigingjarna starf í þágu íbúanna í borginni.“ Segist Áslaug að sjálfsögðu ætla að sitja út kjörtímabilið og vinna að málum eins og hún hafi gert hingað til.
„[M]eð því að leggja áherslu á að einkaframtakið fái að blómstra til hagsbóta fyrir borgarbúa, með því að efla þjónustu, þar sem þarfir íbúanna eru í forgrunni og með því að standa á bremsunni gegn óráðsíu og vanhugsuðum hugmyndum meirihlutans,“ segir Áslaug jafnframt.
„Á undanförnum mánuðum hefur verið reynt að tala niður fylgi flokksins í borginni. Stundum hefur mátt skilja af umræðunni og á staðhæfingum ýmissa vitringa að fylgi borgarstjórnarflokksins sé minna en fylgi flokksins í Reykjavíkurkjördæmunum fyrir Alþingiskosningar. Þetta er ekki rétt og má minna á að í skoðanakönnun í ágúst mældist stuðningur við borgarstjórnarflokkinn 34%.
Í komandi kosningabaráttu þurfa frambjóðendur Sjálfstæðisflokksins að byggja ofan á þetta fylgi til að ná settu marki. Öll skilyrði fyrir góðum árangri eru til staðar. Ég óska þeim alls hins besta í þeirri baráttu.“
Hér eftir fer listi Sjálfstæðisflokksins í komandi borgarstjórnarkosningum ásamt því í hvaða póstnúmeri þeir búa:
- Eyþór Laxdal Arnalds framkvæmdastjóri 101
- Hildur Björnsdóttir lögfræðingur 107
- Valgerður Sigurðardóttir skrifstofu og þjónustustjóri 112
- Egill Þór Jónsson Teymisstjóri hjá velferðarsviði Reykjavíkur 111
- Marta Guðjónsdóttir borgarfulltrúi og kennari 101
- Katrín Atladóttir forritari 105
- Örn Þórðarson framhaldsskólakennari og varaborgarfulltrúi 105
- Björn Gíslason varaborgarfulltrúi 110
- Jórunn Pála Jónasdóttir lögfræðingur 109
- Alexander Witold Bogdanski viðskiptafræðingur 112
- Ragnhildur Alda María Vilhjálmsdóttir sálfræðinemi 101
- Ólafur Kr Guðmundsson umferðarsérfræðingur 112
- Þórdís Pálsdóttir grunnskólakennari 112
- Diljá Mist Einarsdóttir aðstoðarmaður utanríkisráðherra 112
- Erla Ósk Ásgeirsdóttir forstöðumaður 109
- Inga María Hlíðar Thorsteinsson ljósmóðir 111
- Nína Margrét Grímsdóttir píanóleikari 101
- Elín Jónsdóttir lögfræðingur 105
- Þorlákur Einarsson sagnfræðingur og listaverkasali 101
- Halldór Karl Högnason rafmagnsverkfræðingur 107
- Ingvar Smári Birgisson lögfræðingur 113
- Rannveig Grétarsdóttir framkvæmdastjóri 105
- Friðrik Þór Gunnarsson hagfræðingur 101
- Elísabet Gísladóttir djákni 112
- Guðmundur Edgarsson kennari 112
- Steinunn Anna Hannesdóttir verkfræðingur 112
- Friðrik Ármann Guðmundsson kaupmaður 107
- Gylfi Þór Sigurðsson hagfræðingur 108
- Eva Dögg M Sigurgeirsdóttir atvinnurekandi 110
- Elísabet Inga Sigurðardóttir laganemi 101
- Eyþór Eðvarðsson framkvæmdastjóri 105
- Ágústa Tryggvadóttir hagfræðinemi 112
- Oddur Þórðarson menntaskólanemi 112
- Vala Pálsdóttir viðskiptafræðingur 108
- Jónas Jón Hallsson dagforeldri 112
- Ívar Pálsson viðskiptafræðingur 101
- Hafstein Númason leigubílstjóri 162
- Ingveldur Fjeldsted fulltrúi 113
- Kristín Lilja Sigurðardóttir háskólanemi 112
- Bertha Biering ritari 112
- Helga Möller söngkona 105
- Hafdís Björk Hannesdóttir húsmóðir 105
- Arndís Thorarensen stærðfræðingur 105
- Páll Þorgeirsson heimilislæknir 101
- Ágústa Guðmundsdóttir prófessor 101
- Halldór Halldórsson borgarfulltrúi 112
