Mánuður er í að landsmenn gangi til Alþingiskosninga. Ýmis stór mál blasa við sem næstu ríkisstjórn verður falið að leysa. Ljóst er að efnahagsmálin verði þar ofarlega á baugi og hafa flokkarnir boðað ýmsar lausnir á því sviði í kjölfar stjórnarslitanna. Minna fer þó fyrir lausnum á öðru mikilvægu sviði, sem eru orkumálin.

Ljóst er að staðan í raforkumálum á Íslandi er alvarleg, varað hefur verið við yfirvofandi orkuskorti síðustu ár og er sú staða að raungerast.