Kristján IX birti tilskipun um hlunnindi fyrir sparisjóði á Íslandi 5. janúar 1874, sama dag og hann staðfesti fyrstu stjórnarskrá landsins. Það eru því liðin 150 ár frá upphafi innlendrar reglusetningar á fjármálamarkaði.

Heiðrún Jónsdóttir, framkvæmdastjóri SFF, segir þetta skemmtilega tilviljun en ýmislegt hafi breyst frá þeim tíma. Breytingarnar hafi verið sérlega hraðar á síðustu árum, bæði hvað varðar regluverk og tækniumhverfið. Það hafi kallað á nýjar áskoranir en einnig tækifæri til að sinna neytendum betur og með öðrum hætti en áður.