Bílaumboðið Brimborg hagnaðist rúmlega 980 milljónir króna á síðasta ári. Árið áður hagnaðist Brimborg um rúmlega 860 milljónir króna og nemur samanlagður hagnaður áranna 2021 og 2022 því tæplega 1,85 milljörðum króna. Síðastliðin tvö ár hefur orðið mikill viðsnúningur í rekstri bílaumboðsins en árin 2020, 2019 og 2018 var það rekið með samtals 1,4 milljarða króna tapi. Fyrir þessa þriggja ára taphrinu hafði Brimborg hagnast um alls 978 milljónir árin 2016 og 2017.