Markaðsvirði íslenska líftæknifyrirtækisins Alvotech hefur lækkað um 160 milljarða króna á tveimur vikum, úr um 530 milljörðum í tæplega 370 milljarða króna. Lækkunina má rekja til óvissu um stöðu umsóknar á markaðsleyfi frá Matvæla- og lyfjaeftirliti Bandaríkjanna (FDA) fyrir AVT02, líftæknilyfjahliðstæðu við gigtarlyfið Humira. Hlutabréfaverð félagsins hafði hækkað umtalsvert á mánuðunum þar á undan, m.a. vegna væntinga um að FDA myndi samþykkja umsókn um markaðsleyfi fyrir lyfið.