Verslunin Anita og Magnea opnaði nýverið á Hafnartorgi en eigendur verslunarinnar eru Anita Hirlekar og Magnea Einarsdóttir. Þær stunduðu báðar nám við Central Saint Martins í London, þar sem þær kynntust og hafa unnið fyrir alþjóðleg fyrirtæki á borð við Ralph Lauren og Bulgari. Þær hafa auk þess verið tilnefndar til verðlauna hér á landi og erlendis og meðal annars hefur verið fjallað um þær í Vogue, einu þekktasta tískutímariti heims.