Það er erfitt að halda tölunni á náttúruböðum landsins, slíkur er fjöldinn orðinn. Það er þó ekki til að kvarta yfir. Að gera sér ferð út úr bænum, hvort sem það er til að gera vel við sig í eina kvöldstund eða til að slappa af á löngu ferðalagi er alltaf jafn gaman. Náttúruböðin eru hluti af ferðaplönum margra enda mjög notalegt að vera í íslenskri náttúrunni, laus við allt áreiti og leyfa sér bara að vera.