Breska sjóðastýringarfélagið Jupiter Asset Management rekur fjölda sjóða með alls um 60 milljarða evra eða 9 þúsund milljarða íslenskra króna í stýringu. Mark Nichols stýrir sjóði félagsins sem sérhæfir sig í skráðum evrópskum hlutabréfum en hann kom hingað til lands á dögunum til að hitta bæði núverandi og tilvonandi fjárfesta. Alls nema evrópskar eignir Jupiter um 5 milljörðum evra.