Frá því að 154. þing hófst í haust hafa 39 stjórnarfrumvörp verið samþykkt, þar af 19 frá því að Alþingi kom aftur saman eftir jólahlé í janúar. Samkvæmt starfsáætlun fer þingfrestun fram um miðjan júní.

74 stjórnarfrumvörp bíða enn afgreiðslu og eru flest þeirra skammt á veg komin. Ef horft er til þingmálaskráar ríkisstjórnarinnar, sem var uppfærð í upphafi árs, sést að á sjötta tug frumvarpa sem til stóð að leggja fram hafa ekki enn verið lögð fram.