Mörgum brá í brún í vor þegar greint var frá erfiðri fjárhagsstöðu Sveitarfélagsins Árborgar. Í mars samþykkti bæjarstjórn að ganga til samninga við Innviðaráðuneytið um samstarf við fjárhagslegar aðgerðir og eftirlit í tengslum við endurskipulagningu á rekstri sveitarfélagsins.

Mánuði síðar var boðað til opins íbúafundar vegna fjárhagsstöðu og aðgerða í rekstri sveitarfélagsins. Þar var aðgerðaráætlunin Brú til betri vegar kynnt og nokkrar tillögur lagðar fram með það markmið að koma rekstrinum aftur á réttan kjöl. Ljóst var að staðan hafði versnað hratt frá árinu 2021.