Kynlífstækjaverslunin Blush heldur áfram að bæta sig ár eftir ár en hagnaður félagsins BSH15 ehf., sem heldur utan um reksturinn, nam 117 milljónum króna árið 2023, samanborið við 92 milljónir árið áður. Velta jókst um rúm 7% milli ára og námu heildartekjur 677 milljónum króna.

Um er að ræða bestu afkomu Blush til þessa en félagið hefur skilað stöðugum hagnaði undanfarin ár og velta aukist á hverju ári.