Óðinn var ekki bjartsýnn fyrir ári síðan þegar hann spáði fyrir um hvernig árið 2024 yrði í efnahagslegu tilliti. Sú spá gekk eftir. En þá var mun auðveldara að spá heldur en fyrir árinu sem nú er að ganga í garð.

Úrslit alþingiskosninganna voru ekki aðeins skiljanleg heldur verðskulduð. Því ríkisstjórnin sem sagði af sér síðla árs var óskaplega vond og léleg. Það er vitanlega erfitt að setja ríkisstjórnir á mælistiku, en þessi var ein sú allra versta sem við höfum átt.

***