Elvis Presley, sjálfur konungur rokksins, var með mikla bíladellu. Hann var sérlega mikill unnandi Cadillac bíla en var líka hrifinn af BMW. Á tímabili átti Elvis Presley yfir 200 bíla í bílasafni sínu og mjög margir þeirra voru Cadillac bílar. Söngvarinn var afar gjafmildur og gaf vinum og vandamönnum oft Cadillac bílana sem hann hafði keypt sjálfur. Fyrsti bíllinn sem Elvis er sagður hafa keypt er þó Lincoln, árgerð 1941.

Sérstakt bílasafn opnaði fyrir 35 árum á heimili rokkkóngsins í Graceland í Memphis, Tennesse. Á þessu bílasafni er að finna alla helstu bíla Elvis. Einn af frægustu bílum Elvis var án efa bleikur Cadillac Fleetwood Seriees 60 en hann er einmitt á safninu á Graceland ásamt fjölmörgum örðum bílum sem Elvis átti á sínum tíma. Annar af uppáhaldsbílum Elvis var Stutz Blackhawk III, árgerð 1973.