Seltirningurinn Emelía Óskarsdóttir er 17 ára knattspyrnukona sem er uppalin í Gróttu. Hún er samningsbundin Kristianstad í Svíþjóð út tímabilið 2024 en leikur nú á láni hjá Selfoss. Samhliða fótboltanum stundar Emelía fjarnám í Fjölbrautarskólanum við Ármúla.

Bróðir hennar er Orri Steinn Óskarsson sem leikur á láni með Sönderjysk í dönsku fyrstu deildinni en hann er samningsbundinn FC Copenhagen.

Emilía lék með undir 19 ára landsliðinu sem tryggði sér sæti á EM fyrr á þessu ári en mótið verður haldið í Belgíu í júlí.