Ljómandi húð í haust

Þegar haustið fer að nálgast, breytist ekki aðeins veðrið heldur einnig þarfir húðarinnar. Með því að aðlaga húðrútínuna að breyttu veðurfari getur þú haldið húðinni þinni í toppformi, jafnvel á meðan hitastigið fellur og haustlægðirnar herja á okkur. Mundu að fylgjast vel með hvernig húðin bregst við og stilla rútínuna í samræmi við það. Með réttri umhirðu mun húðin þín halda áfram að ljóma í gegnum haustið og inn í veturinn.

Hreinsun

Húðrútínan byrjar alltaf á hreinsun, en það er mikilvægt að velja mildari hreinsivörur þegar hitastigið lækkar. Á sumrin getur húðin verið feitari, og því hafa margir notað hreinsivörur sem fjarlægja umfram olíu. Á haustin, hins vegar, þornar húðin frekar og þarf mýkri hreinsivörur sem róa og næra húðina á sama tíma. Leitaðu að hreinsivörum sem innihalda mýkjandi efni eins og hyalúrónsýru.

Endurnýjun

Þótt sólin sé farin, minnkar ekki þörfin fyrir að fjarlægja dauðar húðfrumur reglulega. Veldu mildan skrúbb eða ensímskrúbb sem hentar þinni húðgerð. Skrúbbur hjálpar við að auka virkni rakakremsins og gefur húðinni fallegan ljóma. Passaðu þó að skrúbba ekki of oft, 1-2 sinnum í viku er passlegt.

Serum

Serum eru frábær til að taka á sérstökum vandamálum sem húðin getur glímt við á haustin. Ef þú ert að upplifa mikinn þurrk er hyalúrónsýru-serum frábært val, þar sem það dregur raka djúpt inn í húðina. Einnig eru andoxunarrík serum, eins og C-vítamín, góð til að verja húðina fyrir umhverfisáhrifum og lýsa upp dökka bletti.

Raki

Þegar loftið verður kaldara og þurrara þarfnast húðin meiri raka. Veldu rakakrem sem er nærandi, helst með ceramíðum og andoxunarefnum sem hjálpa til við að byggja upp og viðhalda varnarlagi húðarinnar. Fyrir þá sem eru með mjög þurra húð er gott að bæta við olíu yfir rakakremið til að læsa rakann inni.

Sólarvörn

Þótt sólin sé ekki eins sterk og á sumrin er enn mikilvægt að nota sólarvörn daglega. UVAgeislar, sem bera ábyrgð á öldrun húðarinnar, eru enn til staðar og geta valdið skaða. Veldu sólarvörn sem inniheldur breiðvirka vörn (UVA og UVB) og er með að minnsta kosti SPF 30

Næturmeðferð

Næturkrem eða olíur sem innihalda endurnýjandi innihaldsefni eins og retínól eða peptíð eru frábærar á haustin. Á meðan þú sefur vinnur húðin hörðum höndum við að endurnýja sig, og þessi efni geta hjálpað til við að örva kollagenframleiðslu og bæta áferð húðarinnar.

Varir og augnsvæði

Varirnar og augnsvæðið eru viðkvæmari fyrir þurrki og þarfnast sérstakrar athygli. Notaðu varasalva með nærandi olíum eða bývaxi til að forðast sprungur. Fyrir augnsvæðið er gott að nota augnkrem sem inniheldur hyalúrónsýru eða koffín til að draga úr þrota og gefa húðinni raka.

Hristu upp í rútínunni

Það er gott að nýta tækifærið á haustin til að endurskoða og uppfæra húðrútínuna. Það getur verið gott að kynna sér nýjar vörur sem eru sérstaklega hannaðar fyrir kaldara veður eða að bæta við aukameðferð eins og andlitsgrímur eða andlitsmaska einu sinni í viku.