Hátæknifyrirtækið Controlant hefur stækkað afar hratt undanfarin ár og er nú eitt af stærstu fyrirtækjum landsins. Samningur við lyfjarisann Pfizer, sem studdi sig við lausnir Controlant við dreifingu Covid-bóluefna á heimsvísu, ýtti verulega undir vöxt fyrirtækisins. Eftir að hafa lyft miklu grettistaki í Covid og náð að skala sig upp getur Controlant nú einblínt á framtíðina og að grípa þau tækifæri sem fyrirtækið stendur frammi fyrir að sögn Gísla Herjólfssonar, forstjóra og eins stofnenda Controlant.