Ljósleiðarinn, dótturfélag Orkuveitu Reykjavíkur (OR), tilkynnti fyrir ári um áform um hlutafjáraukningu, m.a. til að fjármagna nýjan landshring fjarskipta og bæta fjármagnsskipan félagsins. Fyrirhuguð hlutafjáraukning, með aðkomu annarra fjárfesta en OR, var samþykkt á hluthafafundi í lok október með fyrirvara um staðfestingu eigenda, einkum Reykjavíkurborgar. Stefnt var að ljúka hlutafjáraukningunni fyrir lok fyrsta ársfjórðungs 2023.