Íslenska heilbrigðistæknifyrirtækið Sidekick Health gekk í byrjun mánaðar frá kaupum á þýska fyrirtækinu PINK! sem hefur sérhæft sig í stuðningsmeðferðum fyrir fólk með brjóstakrabbamein. Þetta eru önnur fyrirtækjakaup Sidekick í Þýskalandi á innan við ári en með þeim er félagið að marka sér stöðu sem leiðandi afl á markaði fyrir lyfseðilsskyldar heilbrigðistæknilausnir (DiGA á ensku).