Strætó þarfnast eins og hálfs milljarðs króna framlags frá eigendum sínum, sem eru sveitarfélög höfuðborgarsvæðisins, til að mæta rekstrarvanda og bágri fjárhagsstöðu félagsins. Þetta segir Jóhannes Svavar Rúnarsson, framkvæmdastjóri Strætó, í samtali við Viðskiptablaðið. Í endurskoðaðri fjárhagsáætlun Strætó í vor kom fram að félagið myndi óska eftir 750 milljónum króna frá eigendum sínum en fjárþörfin hefur aukist frá þessari áætlun.