Verkefnisstjórn 5. áfanga rammaáætlunar kynnti í samráðsgátt stjórnvalda skömmu fyrir áramót drög að flokkun tíu vindorkukosta, þar sem lagt var til að allir kostirnir yrðu settir í biðflokk, þar af tveir kostir sem höfðu áður verið settir í nýtingarflokk. Umsagnarfrestur um drögin rann út þann 10. janúar og óhætt að segja að niðurstaðan hafi sætt mikilli gagnrýni.