Íslenska heilbrigðistæknifyrirtækið Sidekick Health fékk á dögunum samþykkt yfirtökutilboð í erlent fyrirtæki í sínum geira. Gangi kaupin í gegn mun starfsmannafjöldi Sidekick nær tvöfaldast. Greint verður nánar frá viðskiptunum þegar ákveðnir fyrirvarar hafa verið uppfylltir. Tryggvi Þorgeirsson, forstjóri og annar stofnenda félagsins, telur tækifæri til samþjöppunar á hinum tiltölulega unga markaði fyrir starfrænar heilbrigðismeðferðir og að Sidekick geti leitt þá þróun.