Það er ekki laust við að kosningaskjálfti skeki fjölmiðla. Ekki það að fjölmiðlar séu ekki að standa sig vel í umfjöllun um kosningabaráttuna. Morgunblaðið hefur átt frábæra spretti og hefur þar Stefán Einar Stefánsson farið fremstur í flokki með þáttinn Spursmál. Fréttastofa Stöðvar 2 og Vísis hefur svo haldið úti ágætum umræðuþáttum sem eru öllu snarpari og skemmtilegri en það sem boðið er upp á í sambærilegum þáttum á ríkismiðlinum.