Í tilefni HönnunarMars hefur hönnunarverslunin Vest boðið danska glerlistamanninum Anders Vange og Hrafnhildi Arnardóttur / Shoplifter, einum af fremstu listamönnum landsins, að sýna ný glerverk í glæsilegum sýningarsal VEST.

Elísabet Helgadóttir, einn eigenda Vest, segir ekkert annað hafa komið til greina en að vera með á HönnunarMars í ár, en þau héldu viðburð í sýningarsal sínum á síðustu hátíð sem vakti mikla lukku.