Yfir sumartímann færa margir hreyfinguna sína út úr sveittum líkamsræktarstöðvunum út í ferska sumarloftið. Með hækkandi sólu og hlýnandi veðri má sjá göngustíga landsins fyllast af fólki, þar á meðal hlaupurum. Forsendur og markmið hlaupara eru jafn ólílk og hlaupararnir eru margir. Sumir stefna á að hlaupa Laugaveginn, aðrir vilja ná að hlaupa 3 km án þess að stoppa og enn aðrir nýta sér hlaup til að gleyma stað og stund.