Fyrir rúmlega tveimur árum gekk franska knattspyrnufélagið Paris Saint-Germain (PSG) frá samningi við Argentínumanninn Lionel Messi, sem af mörgum er talinn besti knattspyrnumaður allra tíma. Þar með var framlína PSG fullkomnuð en fyrir voru á mála hjá félaginu Brasilíumaðurinn Neymar, sem félagið gerði að dýrasta knattspyrnumanni allra tíma árið 2017, og ungstirnið Kylian Mbappé, næst dýrasti knattspyrnumaður allra tíma.