Fyrirtækið Eldabuskan hefur tekið til starfa en það er nýtt fyrirtæki sem framleiðir fjölbreytt úrval tilbúinna rétta sem viðskiptavinirnir panta á netinu og fá síðan afhenta heim að dyrum.
Eigendur Eldabuskunnar eru þau Guðmundur Óli Sigurjónsson og Elín Bjarnadóttir og hjá fyrirtækinu starfa níu manns. „Við ætlum okkur að bjóða upp á fjölbreytni í matargerðinni og munum kappkosta að koma fólki sífellt á óvart með nýjum og spennandi réttum í hverri viku,“ segir Guðmundur Óli.
Fyrirtækið hefur þegar tekið til starfa og býður nú upp á níu mismunandi rétti. Eigendur segja að panta þurfi matarpakkana með minnst þriggja sólarhringa fyrirvara og búið sé að opna fyrir dreifingu þeirra um land allt.
„Eldabuskan vill einfalda fjölskyldum lífið og í stað þess að fólk eyði dýrmætum tíma sínum í innkaup og eldamennsku er hægt að verja meiri tíma í samveru hvert með öðru og treysta þannig fjölskylduböndin,“ segir Guðmundur jafnframt.
Fyrirtækið Eldabuskan hefur tekið til starfa en það er nýtt fyrirtæki sem framleiðir fjölbreytt úrval tilbúinna rétta sem viðskiptavinirnir panta á netinu og fá síðan afhenta heim að dyrum.
Eigendur Eldabuskunnar eru þau Guðmundur Óli Sigurjónsson og Elín Bjarnadóttir og hjá fyrirtækinu starfa níu manns. „Við ætlum okkur að bjóða upp á fjölbreytni í matargerðinni og munum kappkosta að koma fólki sífellt á óvart með nýjum og spennandi réttum í hverri viku,“ segir Guðmundur Óli.
Fyrirtækið hefur þegar tekið til starfa og býður nú upp á níu mismunandi rétti. Eigendur segja að panta þurfi matarpakkana með minnst þriggja sólarhringa fyrirvara og búið sé að opna fyrir dreifingu þeirra um land allt.
„Eldabuskan vill einfalda fjölskyldum lífið og í stað þess að fólk eyði dýrmætum tíma sínum í innkaup og eldamennsku er hægt að verja meiri tíma í samveru hvert með öðru og treysta þannig fjölskylduböndin,“ segir Guðmundur jafnframt.