Í starfi mínu hef ég oft liðsinnt við „sprungubjörgun“ á vinnustöðum. Björgunin kemur til vegna atburða sem hafa neikvæð áhrif á starfsmenn m.t.t. líðanar, viðhorfa, hegðunar og starfsgetu. Þannig er starfsfólk jafnvel komið á endastöð, farið að missa trú á sjálfu sér og vinnustaðnum og sér ekki fyrir endann á stöðunni. Þá eru stjórnendur jafnvel farnir að tala um hversu erfitt sé að starfa með „þessu fólki“ og samskipti orðin slæm.