Kartöfluflögurnar frá Doritos hafa lengi verið vinsælar í veislum þar sem áfengi er haft um hönd. Bráðum munu aðdáendur snakksins hins vegar eiga kost á því að fá þetta snarl í fljótandi formi.
Doritos fór nýlega í samstarf við danska eimingarfyrirtækið Empirical Spirits sem er nú byrjað að framleiða áfengt Doritos. Að sögn þeirra er bragðið ólíkt öllu áfengi sem til er á markaðnum en glæri vökvinn er sagður bragðast nákvæmlega eins og kartöfluflögurnar.
Kartöfluflögurnar frá Doritos hafa lengi verið vinsælar í veislum þar sem áfengi er haft um hönd. Bráðum munu aðdáendur snakksins hins vegar eiga kost á því að fá þetta snarl í fljótandi formi.
Doritos fór nýlega í samstarf við danska eimingarfyrirtækið Empirical Spirits sem er nú byrjað að framleiða áfengt Doritos. Að sögn þeirra er bragðið ólíkt öllu áfengi sem til er á markaðnum en glæri vökvinn er sagður bragðast nákvæmlega eins og kartöfluflögurnar.
Lars Williams, fyrrverandi kokkur og meðstofnandi Empirical Spirits, hefur síðan 2017 ýtt fyrirtækinu út í það að framleiða óhefðbundnar áfengistegundir en hann sér einnig um framleiðsluna á þessum 42% Doritos-spíra.
„Þegar fyrirtækið var fyrst að byrja í Kaupmannahöfn kom einn samstarfsmaður okkar með samloku og poka af Doritos í hádeginu. Ég fór þá að velta því fyrir mér hvort við gætum nokkuð breytt þessu snakki í spíra. Eftir fyrstu tilraun smakkaðist það ótrúlega vel og við fórum að skellihlæja. Við gáfum vinum okkar og öðrum kokkum að smakka. Við gáfum þeim oft bara smá glas án þess að segja þeim hvað þetta væri og hreina gleðin sem varð til var ótrúleg,“ segir Lars.
Starfsmennirnir byrjuðu fyrst að blanda saman pilsner og Doritos-flögum sem sugu í sig allan vökvann. Eimingarferlið hófst svo og átti sér stað við lægra hitastig en gengur og gerist þar sem nauðsynlegt var að varðveita bragðið. Á endanum varð til vara sem hægt er hugsa sér sem nokkurs konar vodka með nacho-ostabragði.
Empirical x Doritos Nacho Cheese fer í hillurnar í bandarískar verslanir í þessum mánuði en samkvæmt heimasíðu fyrirtækisins eru allar flöskur sem hægt er að kaupa á netinu uppseldar. Flaskan kostar í kringum 9 þúsund krónur en framleiðendur sjá fram á að þessi flaska verði sérstaklega vinsæl þegar kemur að Ofurskálinni í næsta mánuði.