Netöryggisfyrirtækið Aftra hefur tryggt sér 200 milljón króna fjármögnun sem fyrirtækið segir að muni styðja við vöxt og gera því kleift að sækja fram á erlendum mörkuðum.
Aftra er íslensk hugbúnaðarlausn sem kortleggur stafrænt fótspor fyrirtækja til þess að koma auga á hugsanlega veikleika sem hakkarar gætu nýtt sér.
Syndis stofnaði sjálfstætt félag í kringum Aftra í maí á þessu ári, en bæði félögin eru nú hluti af eignarhaldsfélaginu Skyggni.
Í fréttatilkynningu segir að lausn Aftra sé byggð á aðferðafræði hakkara og markmið hennar sé að hjálpa stjórnendum að skilja og taka aukna ábyrgð á netöryggi sinna fyrirtækja.
Björn Orri Guðmundsson, framkvæmdastjóri Aftra, segir spennandi tíma fram undan hjá fyrirtækinu.
„Starfsfólk Aftra er í miklum sóknarhug og við erum þakklát að hafa Syndis og Skyggni með okkur sem sterka bakhjarla. Okkar markmið er að gera Aftra að bestu fyrirbyggjandi netöryggislausninni á markaðnum og halda áfram að tala fyrir mikilvægi þess að bæta öryggismenningu hjá íslenskum fyrirtækjum og stofnunum“, segir Björn
