Armar, sem sérhæfir sig í útleigu vinnuvéla og tækja, hagnaðist um 932 milljónir króna í fyrra samanborið við 820 milljónir árið á undan. Á síðustu þremur árum hefur félagið hagnast um 2,2 milljarða króna.
Líkt og í fyrra ákvað stjórn að greiða út 150 milljónir króna í arð á árinu.
Armar er í 65% eigu Auðuns S. Guðmundssonar, sem er framkvæmdastjóri félagsins, og 35% eigu Péturs Bjarnasonar, sem er stjórnarformaður félagsins.
Armar, sem sérhæfir sig í útleigu vinnuvéla og tækja, hagnaðist um 932 milljónir króna í fyrra samanborið við 820 milljónir árið á undan. Á síðustu þremur árum hefur félagið hagnast um 2,2 milljarða króna.
Líkt og í fyrra ákvað stjórn að greiða út 150 milljónir króna í arð á árinu.
Armar er í 65% eigu Auðuns S. Guðmundssonar, sem er framkvæmdastjóri félagsins, og 35% eigu Péturs Bjarnasonar, sem er stjórnarformaður félagsins.
Rekstrartekjur félagsins jukust um rúmlega 400 milljónir á milli ára og námu tæplega 3,9 milljörðum króna í fyrra.
Eignir samstæðunnar voru bókfærðar á 7,9 milljarða króna og var eigið fé 3,8 milljarðar í árslok í fyrra.
Rekstrarhagnaður fyrir afskriftir og fjármagnsliði (EBITDA) jókst um 25,8% á milli ára og nam 2,3 milljörðum í fyrra.
„Armar ehf. og dótturfélög hafa náð góðum árangri á undanförnum árum og má vænta þess að svo verði áfram að öllu óbreyttu en ekki eru fyrirhugaðar breytingar á starfsemi samstæðunnar í nánustu framtíð. Velgengni samstæðunnar byggist að miklu leyti á stöðu byggingageirans hverju sinni,“ segir í skýrslu stjórnar.
Meðalfjöldi starfsmanna samstæðunnar á árinu umreiknaður í heilsársstörf (ársverk) var 30 og fjölgaði um 1 milli ára.
