Ísgerðin Kjörís hagnaðist um 12,2 milljónir króna á síðasta ári samanborið við 5,4 milljónir árið 2020. Rekstrartekjur félagsins jukust um 1,9% á milli ára og voru rétt yfir 1,3 milljörðum króna.

Starfsmenn Kjöríss, umreiknaðir í heilsársstörf, voru 53 talsins í fyrra og fækkuðu um þrjá frá árinu 2020. Laun og annar starfsmannakostnaður hækkaði þó lítillega frá fyrra ári og nam 517 milljónum.

„Stjórnendum hefur tekist að fækka ársverkum á milli ára sem er mikilvægt þegar kostnaðarhlutfall launa vegur æ þyngra í rekstri. Mikilvægt er að auka tæknistig á næstu misserum til að ná enn betri árangri á þessu sviði,“ segir í skýrslu stjórnar í nýbirtum ársreikningi.

Stjórnin bætir við að starfsmannavelta hafi verið með minnsta móti samanborið við árin á undan sem gefi til kynna að mannauðsstefna félagsins hafi stuðlað að aukinni starfsánægju.

Verð á innfluttum aðföngum hækkað töluvert