Euler er ungt íslenskt sprotafyrirtæki sem hefur þróað kerfi til rauntíma gæðavöktunar fyrir málm- og þrívíddarprentiðnaðinn. Fyrirtækið var stofnað árið 2018 og geta lausnir þess greint frávik í prentuðum hlutum og spáð fyrir um framvindu prentsins.

Eyþór R. Eiríksson, framkvæmdastjóri Euler, segir skort á hagkvæmum leiðum til að tryggja og sannreyna gæði þrívíddarprentaðra hluta vera eina af stærstu áskorunum sem iðnaðurinn standi frammi fyrir.