Alþingi kom saman eftir sumarfrí í síðustu viku og venju samkvæmt birtist þingmálaskrá ríkisstjórnarinnar samhliða. Á þriðja hundruð þingmál eru á dagskrá í vetur og eins og fyrri ár snýr fjöldi þeirra að innleiðingu EES-gerða.

Þar á meðal er frumvarp sem ætlað er að innleiða tilskipun frá Evrópusambandinu sem snýr að upplýsingagjöf um sjálfbærni eða CSRD-tilskipunina (e. Corporate Sustainable Reporting Directive). Tilskipunin kallar á breytingu á lögum um ársreikninga, lögum um endurskoðendur og endurskoðun og lögum um upplýsingaskyldu útgefanda verðbréfa og flöggunarskyldu.