Meirihlutaálit atvinnuveganefndar Alþingis, sem lagt var fram þegar frumvarp um hækkun veiðigjalda var afgreitt til annarrar umræðu, er furðulesning. Vafalaust skýrist það að hluta af þeirri staðreynd að þeir sem skrifa undir álitið hafa lítið komið nálægt atvinnurekstri. Það er orðið sjálfstætt vandamál á Íslandi hversu aftengdir þeir sem veljast til setu á Alþingi eru efnahagslífinu og verðmætasköpun.