Að borða í núvitund (e. mindful eating), er hugtak sem hefur rutt sér til rúms á undanförnum árum. Þetta er aðferð sem gengur út á að vera til staðar í augnablikinu, meðvituð um hugsanir, tilfinningar og viðbrögð tengd mat, án þess að dæma þau.
Að borða í núvitund felur í sér að vera fullkomlega til staðar við máltíðir, að veita athygli lit, lykt, bragði og áferð matarins sem við neytum. Það snýst um að hlusta á líkama okkar, taka eftir raunverulegri hungurtilfinningu og mettun, og að njóta hvers bita meðvitað. Þetta þýðir að hægja á sér, sleppa því að vera gera margt í einu og einbeita sér að því að borða.
Að borða í núvitund (e. mindful eating), er hugtak sem hefur rutt sér til rúms á undanförnum árum. Þetta er aðferð sem gengur út á að vera til staðar í augnablikinu, meðvituð um hugsanir, tilfinningar og viðbrögð tengd mat, án þess að dæma þau.
Að borða í núvitund felur í sér að vera fullkomlega til staðar við máltíðir, að veita athygli lit, lykt, bragði og áferð matarins sem við neytum. Það snýst um að hlusta á líkama okkar, taka eftir raunverulegri hungurtilfinningu og mettun, og að njóta hvers bita meðvitað. Þetta þýðir að hægja á sér, sleppa því að vera gera margt í einu og einbeita sér að því að borða.
Af hverju skiptir þetta máli?
Rannsóknir hafa sýnt að núvitund í tengslum við mat getur haft margvísleg jákvæð áhrif á heilsu okkar, bæði líkamlega og andlega. Að borða í núvitund getur hjálpað til við að minnka streitu, bæta meltingu og stuðla að heilbrigðara sambandi við mat. Auk þess getur það verið árangursrík leið til að stjórna þyngd, þar sem fólk er líklegra til að taka eftir merkjum um seddu og forðast ofát.
Hvernig á að tileinka sér núvitund í tengslum við mat?
Taktu þér tíma: Settu þér það markmið að taka þér nægan tíma til að borða. Forðastu að borða í stressi eða á hlaupum.
Njóttu matarins: Lærðu að njóta hvers bita. Veittu athygli litum, lykt, bragði og áferð matarins.
Vertu meðvituð/aður um hungur: Lærðu að hlusta á líkama þinn. Borðaðu þegar þú ert svöng/svangur og hættu þegar þú ert saddur/södd.
Forðastu truflanir: Reyndu að borða án þess að láta truflanir eins og sjónvarp, tölvur eða síma taka athyglina frá máltíðinni.
Hugaðu að tilfinningum: Taktu eftir tilfinningum sem tengjast mat. Borðaðu ekki bara til að sefa streitu, leiða eða aðrar tilfinningar.
Núvitund er ekki bara leið til að borða hollari mat eða léttast – það er lífstílsbreyting sem getur haft djúpstæð áhrif á heilsu og líðan. Með því að veita athygli og njóta þess að borða með fullri meðvitund, getum við skapað jákvæðari og heilbrigðari tengsl við mat og líkama okkar. Það er dýrmætt að taka sér tíma til að njóta hvers bita, þar sem það gerir máltíðina ekki aðeins nærandi fyrir líkamann heldur einnig fyrir sálina.
