Grillið á efstu hæð Hótel Sögu á að baki 50 ára farsælan feril sem eitt af bestu veitingahúsum landsins. Aðalsmerkin hafa alla tíð verið fagmennska í mat og drykk og hið óviðjafnanlega útsýni.
Veitingastaðurinn Grillið á Hótel Sögu opnaði formlega á föstudaginn eftir gagngerar endurbætur á húsnæði og salarkynnum veitingastaðarins sem hófust strax eftir áramót.
Það voru þau Leifur Welding og Berglind Berndsen innanhússarkitekt sem önnuðust hönnun á framkvæmdinni. Í tilkynningu frá Hótel Sögu kemur fram að unnið hafi veri að því að fara áratugi aftur í tímann og leita upprunans í hönnun sem var stórglæsileg þegar hótelið var reist á sínum tíma.
Hér á síðunni má sjá myndir sem teknar voru við opnunina á föstudag.
Ingibjörg Ólafsdóttir, hótelstjóri Hótel Sögu, Jakob Már Harðarson, veitingastjóri í Grillinu, Sigurður Helgason, yfirmatreiðslumeistari í Grillinu og innanhúsarkitektarnir og hönnuðir á nýju útliti Grillsins þau Leifur Welding og Berglind Berndsen.
Matreiðslumenn að störfum í Grillinu á Hótel Sögu.
Barinn á Grillinu, sem eitt sinn hét Astra Bar, fékk sitt upprunalega útlit.
Barinn og gangurinn fengu nýtt útlit. Gestir staðarins fá að upplifa sögu hótelsins með eigin augum en á veggnum hanga gamlar og upprunalegar ljósmyndir sem segja söguna eins og hún var.
Grillið hét upphaflega Stjörnusalur, enda má finna stjörnuerkin í loftinu.
Bræðurnir Óskar og Ómar Guðjónssynir léku fyrir gesti.
Ingibjörg Ólafsdóttir, framkvæmdastjóri Hótel Sögu, og Valgerður Ómarsdóttir, sölu- og markaðsstjóri Hótel Sögu.
Jakob Már Harðarson, veitingastjóri í Grillinu á Hótel Sögu, skenkir kampavíni.
Ingibjörg Ólafsdóttir, framkvæmdastjóri Hótel Sögu tekur hér á móti Bjarna Benediktssyni, formanni Sjálfstæðisflokksins.
Nýtt og glæsilegt vínherbergi má nú finna á Grillinu.
