Guðný Helga Herbertsdóttir, forstjóri VÍS, og Pétur Rúnar Pétursson, flugstjóri hjá Icelandair, hafa gengið frá kaupum á 294 fermetra einbýlishúsi að Blikanesi 13 í Garðabæ. Kaupverð hússins nam 335 milljónum króna. Fermetraverð einbýlishússins nemur því um 1,1 milljón króna. Seljandi hússins er Hafsteinn Hasler.
Fyrr í sumar greindi Vísir frá því að Guðný Helga og Pétur Rúnar hafi sett 274 fermetra hús sitt að Holtsbúð 51 í Garðabæ á sölu. Ásett verð var 220 milljónir.
Samkvæmt fasteignaskrá hefur húsið ekki verið selt en í kaupsamningi fyrir Blikanes 13 kemur fram að kaupendur hafi til 30. september til að fá samþykkt kauptilboð í eignina. Að þeim tíma liðnum, þann 1. október, taki seljandi eignina veðbandalausa sem hluta greiðslu á 200 milljónir króna.
